Gizartea eta hezkuntza eraldatzea sustatzen dihardugu orain dela 10 urtetik.
Gure konpromisoa hezkuntza eraldatu eta bestelakoa sustatzea da, gizarte orekatuagoa eraikitzen lagunduko duena, errespetu gehiago duena, kontzienteagoa, elkarlana lagun duena.
Zer hezkuntzatan sinesten dugu?
Hezkuntzaren arloan gure hondar-aletxoa eskaintzen dugu ondoko zerbitzuak eskainiz.
Gure 0-3 urte bitarteko haur-eskolaren hezkuntza-proiektuak afektu eta emozioei berebiziko garrantzia ematen die eta haur bakoitzaren erritmoa errespetatzen da. Haurrak dira euren ikasketaren protagonista, sormena eta pentsamendua errazten duten tailer eta materialez jositako inguruan.
Lorekan hainbat urte daramagu kontziliazioaren eta txikienen heziketaren gaiak lantzen. Eraldaketaren eragile izan nahi dugu, bestelako ikastetxeei gaur egungo hezkuntza hobetzeko eraldaketan lagunduz.
Familiaren esparruan heziketa afektibo-emozionala eta errespetuzkoa bultzatzeko tailerrak, ikastaroak eta hitzaldiak antolatzen ditugu. Helburua da pertsona osasuntsuak, osoak eta zoriontsuak hezteko lanean lagunduko duten tresnak eskaintzea.
Eskolako oporraldietan metodologia afektiboa eta jolas kooperatiboa oinarri duten udaleku eta tailerrak antolatzen ditugu haurrentzat. Izan ere, jolasak, atseginak izateaz gain, eraldatzaileak ere badira eta.
Loreka Haur Eskola jaio zenean argi genuen ez genuela haurrak “gordetzeko” tokia izan nahi. Gure sentitzen dugun heziketa oso desberdina da.
Neurozientziak frogatutakoa baliatzen du
Haurra bihurtzen du haren ikasketaren protagonista
Elkarlana balioesten du lehia baino.
Norberaren gaitasunak lantzen ditu ongizate pertsonal eta soziala lortzeko
Gizarte orekatuagoa eraikitzen laguntzen du, errespetu gehiagokoa, kontzienteagoa, elkarlana lagun duena
Lotura duten agente guztiek parte hartu eta inplikatzea sustatzen du
